琴日臨放工o既時候，"心頭暖左一暖"。


同小白臉MSN，又係無聊野。

傾開YAHOO+知識入面D男女感情發問，好好笑之餘。
佢又順勢加把口…

我COPY左篇野畀佢睇，開頭寫[男朋友話……我應該點算好呢﹖]

佢就覆我，[我幾時同你講過LE D野]

…係咪傻眼呢﹖ =___=
佢成日都會入LE D位黎佔我便宜。

最後臨放工O既時候。

我又COPY左段野畀佢睇。
係話有個人係YAHOO+知識問[(大概)香港女仔個心係咪好計算，要男朋友LE樣個樣，但又唔睇下自己咩料……]

小白臉話有要求好正常，又話7成以錢行前，2成安全感，1成真感情。

又問我[你唔係仲信有一見鐘情下話﹖]

我心諗[我信，但事後係咪童話結局，我唔敢包]

我咪覆返佢[um…睇情況啦﹗拍拖唔洗咁計算，又唔係談婚論嫁，拍拖都要諗咁多，好煩架]

之後，佢又入我位…[咁我同你就拍住拖先啦~]

……

就係因為佢LE 句，我覺得"心頭暖左一暖"。

佢唔係我鐘意個類型，個種人。
令我心暖，係因為原來我仲有人鍾意。

雖然咁講似唔知羞，又好曬命，但我係認真講O既。

因為一直以來，我都覺得自己份人唔多好。
所以冇拖拍係咁上下。

但因小白臉LE句說話，我諗起好多個喜歡我O既人。
應該係話，好似小白臉講野時鍾意攝幾句暗示O既人。
佢地做o既野好似，就好似一黨人咁~~哈哈哈

我相信佢地，係"有心"鍾意一個人。因佢地D行為，同冇心，玩玩下個D，係有好大分別。所以，縱使我唔鍾意佢地，但都鍾意同佢地做朋友。

原來，自我冇拖拍時，一直都有人鍾意，只係唔係我杯茶。
我先幾年黎都一個人。

好明顯，我份人一d都唔濫情，乖乖女啦~~哈哈哈哈




um……其實le d野又冇咩好講，只係我咁啱諗起之嘛~



um……係囉~就係咁囉~