上星期六(26/11/2005),
終於都願成左"其中"一個心願,
係有d誇張,
但事實就係咁,
我真係好鍾意好鍾意好鍾意..........好鍾意!

我指o既係岩井俊二o既"情書",
終於正正式式係戲院睇左,
個種感覺好好,
比係屋企睇,感覺真係有d唔同.

好o既野,
始終要正式感受一次,
先算係睇過,接觸過,享受過,
我就係咁覺得~

望住個screen,
小樽仍然好浪漫,
柏原祟仍然好靚仔,
background music仍然係咁好聽,
故事仍然感動.

係個兩個鐘,
就好似返左去以前,
flashback所有野.

感觸到死..=.="

當博子對座山大嗌"你好嗎?"時,
眼淚就"hom hom"聲流出黎,
女人知道自己原來係某人o既替身時,
真係陰公到呢~
仲慘過畀個男人虐打~

另一個喊位,
係當女版藤井樹見到借書咭後面,
係自己個樣時,
wah~個種感動呢~
真係唔係個個女人都有福能夠感受到囉~

當然,
有人會覺得,
個男人冇做過d咩好偉大o既事,
只係鬥下咀仔,
玩下暗戀,
畫下心上人個樣,
邊得黎你感受到幸福??

但我個人覺得"幸福"咪就係le幾樣野之嘛~

依家d人(男),
偉大野做唔到就十之八九架啦~(咪話我極端,事實黎架~)
女人都知le d簡直係"夢想"(得發夢先有得想~),
但最衰就係連le d咁細o既野都唔"願意"去做,
當安慰下都好丫嘛~
都冇!
即係乜都冇做,
你想叫人感受d咩先??
咪就係連個少少幸福都冇囉~

le套戲好睇在,
現實中冇,
所以先寄望係套戲之嘛~
就係咁簡單.