唉~終於記得想講咩~

琴晚收到個舊同學電話(真係好舊個款~),
打黎話中學舊生聚會,
我真係"O"曬咀.

下?無啦啦搞咩舊生聚會?
我同e位同學,唔係好熟咋bor~?!

但今次le位聯絡人同學o既聚會意義有別,
佢o既意思係話整級中五生,
以及歷屆所有中五生,
即一大堆人.

我真係聽到一舊雲,
追問之下,
原來係學校係搞手,
想搵反一堆舊生聚下,
難聽d即---吹水,
供出一場地給大家係咁吹水,係咁吹,係咁吹,係咁吹........

本人覺得....有d無聊.

雖然,
le間學校改變左我(真o既~),
但唔代表我對佢有感情,
再者,
我畢左業le 5年,
一次都冇返過去(可想而知我對le間學校,感情有限~),
所以,
我諗緊去定唔去.

而且,
事出突然,又古古怪怪,
實際情況係會有幾多人出席??
實在好難估計....=.="

而時間地點係今晚7:30pm,xx中學.

如果你話我知,
我曾經暗戀同明戀過o既師兄都去,
我實出席!

(我要佢地後悔!!哈哈哈哈~~)

但可惜,
睇情況係只招待中五個堆,
唔受預科個堆玩....呵!


um...其實,
今日係我家姐生日,
係要返屋企食飯o既~(我剛剛先記得我老早答應左ar媽~),
所以照理講,
今晚我已full booking,
去唔到個舊生聚會,
但係好奇情況下,
真係有d心思思睇下o既~~**

不過又照理講,
好明顯我係多數會返屋企食飯多,
因為係不明朗因素下,
我份人係唔會冒險o既~哈!




p.s

更何況,
有幾多人想見到ar邊個邊個同ar邊個丫?
如果真係咁想見呀~就直接打電話搵啦~
洗約一大堆人,幾年後先黎見?!

所以囉~
我le個冷血人都唔咩架啦~應該...

除非有"奇蹟"出現,
咁我就去囉~