le個星期好攰呀~~
都唔知搞乜成鬼日冇力冇氣,
唔知點講....=.=

24/5~
同kelly飲野,
講起個賤賊,
原來個賤賊係之前打過電話騷擾過佢(未判之前),
係度無理取鬧,
最衰o既係,
個賤賊搵埋個fd一齊騷擾kelly,
而個傻仔fd比人利用都唔知,
仲幫住個賊鬧kelly亂講野!

個賤賊仲"大聲疾呼"咁話
"你有冇親眼見我(將d錢)袋落袋丫??????"(如果我冇記錯),
當kelly話"咁你有冇做到丫????!!!!"
個賤賊就冇出到聲,
咁係邊個出問題好明顯啦掛~

個賤賊仲話"你累到我冇得去上海呀!!"
(佢偷我野之後個星期,會畀公司掉左上上海做實習侍應,年期為一年,
但天幫我,好快就知道畀人偷野,仲報埋警,好快就拘捕左個賤賊,
如果唔係,過多一星期後畀佢逃之夭夭,件案就冇得查啦~~><
你睇!你睇!個賤賊有預謀架~真係冇人性!)

佢都痴線架~自己偷野,畀人拉到正,好合情理bor!
唔偷野,咪有得上上海囉~~~GO TO HELL都得添呀!!!
仲係度發神經,
他媽的弱智兒!!

做錯野,
你死埋一邊,
玩自閉ok個wor~
但你擺明係"賊",
竟然"厚顏無恥"咁騷擾人,
仲要歪曲事實,
都痴孖線o既!

我講畀人知,
梗係講曬成件事啦~
即個賊認埋罪呀~
而個賊係邊個呀~個d啦!
你認為我會維護一個偷我野,
而果個人仲係我"朋友"o既人咩?!
hey!天真~
所以佢地一早知曬成件事啦~

你講咩o者講??!
此地無銀!

唉~le個人渣,
不停咁利用朋友對佢o既信任,
首先係我啦~然後就係s君~繼而就係k君,
當然,
我覺得仲有唔少人囉~

唉~~
個筆$800蚊,
我唔放棄都唔得,
因個人渣擺明"盤"賤,
邊有得還丫!
所以我都唯有睇開d,
個$800就當係我做畀佢o既帛金,
雙數添wor~好事成雙!!掂~
多謝我添呀要~

我都未試過對人用d咁冇口德o既野,
真係失禮曬~
但用係個垃圾身上,
我反而覺得唔夠毒添~~