星期四放工,
收到S君o既電話.

"我地搵到佢(賤格賊仔~)啦!"

"下?係呀?!"

"佢星期三去左警局自首,今日上左庭架啦!"

"咁快?!"

"係呀!因佢上次走左,今次可以上先囉"

"而個筆1萬蚊,佢已經畀左法庭,遲d法庭會通知你去拎架啦!"

"畀左法庭?!(我要好肯定佢真係畀左法庭,我先放心囉!)"

"係呀!咁佢28號會再上庭,個時就係定佢罪o既~"

"佢係因咩而偷我野?貪心定欠大耳窿呀?"

"......"

"講啦!我都要知點解架下話?!"

".......佢呀!....欠人錢咁囉~"

"ooor~~係呀?!(不知所謂!)"

"....."

.......

當中,
s除左交代畀我知件事去到邊(因警察冇通知過我!),
仲不時同個賊仔講好話,
咩"係人都有錯呀!""大家都係朋友,佢都好後悔呀"咁~

咁佢偷我野時,
有冇諗過我都好慘架?
le幾個月我精神有幾差呀?
我身邊o既人擔心我,
銀行同警局初時,
以為我同賊仔分贓唔清先黎報警,
懷疑我,幾咁難受呀?

邊個可憐我呀?

原諒佢,
你以為我係聖人呀?
我冇咁大量!!

而le件事唔係小事,
唔係話"係人都有做錯事"咁簡單囉~
佢錯o既係大事呀!

我同朋友傾,
而朋友話--

"咁咪好囉!一天都光曬!"

"係呀!好好彩囉~"

"不過呢!佢有可能冇地方走先自首~"

"下?唔明~"

"佢欠人錢嘛~又畀警方通緝,兩邊都搵緊佢,佢可以去邊?
除非佢想斷手斷腳囉~~唔係點都係去自首著數嘛~係咪先?"

"咦?!係wor~"

"你估佢唔想走人咩?!走唔到之嘛~你睇佢上次上庭冇出現就有可能啦"

"唉~正賤人"

"佢偷你錢時,都估唔到你咁快知畀人偷左1萬架嘛!,

你咪話佢2月會去上海總店做一年野o既?!
咁你計下條數,佢偷你野時係1月尾,
你收到月結單時都係2月尾啦~
咁你發現時,佢都走左人,
咩人證物證都冇曬啦~

等佢返黎香港時,
咪又可以扮冇事咁同你做friend囉~
佢計過數架!!"

以上朋友同我o既野,
其實我已經一早諗到,
因為好多野都咁arm,
又好吻合,
所以我真係嬲上加嬲,
因為我覺得佢有諗過度過去害我.

畀個識左咁耐o既朋友害,
我真係唔知有咩形容詞可以表達出黎~

我覺得好難再做朋友,
佢利用過我對佢o既信任,
已經冇咩誠信可言,
做朋友都係因為放心信得過佢先friend 者~

我點知佢會幾時再發癲架??
no囉!

佢除左欠我1萬銀,
其實仲有野欠我架~

因偷我野之前,
親口問我借左$300,
偷野之後,
銀行又收我收續費$500,
total$800架~

既然搵到佢,
我梗係要同佢畫清界線啦~
由其錢銀,
我唔會話你好慘,
我就唔會咁做,
所謂去到咁盡囉~

要知道,
邊個冇人性先?!~

所以,
我琴日放工就"拿拿"聲,
打畀s,
要佢代我同個偷仔講明,
佢仲欠我$800,
叫佢盡快還返畀我!

我feel到s係幫個賊仔~
佢好似唔係咁想幫我同佢講,
因為佢口窒窒咁,
想講又唔想講咁(我意思係話,個賊仔可能衣家冇錢又或者已經好慘咁囉~),
但我冇興趣知佢衣家有幾折墮~
所以我冇等s講野就話--

"我畀個銀行a/c你,
叫佢入畀我啦!"

"咁...我問下佢先,我聽日再覆你啦"

"下?...好啦好啦!快d啦下,唔該!"

真係有d唔順,
欠人野,
好似仲要諗下還唔還咁,
有得諗下先o既咩?

咪走黎怪我不近人情,
人點對我,
我點對人.



希望快d收返筆錢,
咁我就真真正正安心曬~

個筆債仲未畀清架~