峰迴路轉咪就係咁~

唉~
我可能天真左d啦~
成日唔帶眼睇人~

今次讚錯人,
仲有好多手尾要跟.

之前咪話過,
被人盜用信用卡,
又拉到人,
而果個人係我個"朋友"o既~

佢落口供時認曬罪,
認曬張信用卡係佢偷,
仲盜用過我張卡,
但上法庭時,
佢竟然否認曬佢o既罪狀,
聽時,
我真係嚇左野,
原來個"人渣"請左律師同佢打官司囉~

厚顏無恥咪就係le d人渣囉!

認曬罪,
又否認,

偷野o既,
竟然搵律師幫,
仲話自己冇偷野?!

wah~咩世界呀?
唔怪得香港法律成日畀人小啦!

衣家搞到4月再上庭.

個死差佬,
我唔打電話問佢件事跟進成點,
佢都唔會主動同我交代囉!
上次又話佢認曬罪仲上埋庭,
會冇事,
點知我今日再問,
個廢人先話佢又唔罪囉!
仲要點點點,
又點點點.

如果我今日唔打畀佢,
個死差佬都唔同我交代,
原來發生左咁多野囉!

差人平時做咩架?
除左食煙爆粗,
以為自己好有power,
仲識咩呀?

個差佬今日畀我同家姐鬧,
咪又係死狗一隻!
政府不停咁養廢人,
想養到幾時呀?

西貢區係全港警察人手最多o既,
但辦事率就最低,
喂~講得啱個wor~
點解你班垃圾仲唔檢討下?

我衣家嬲到不得之了wor~
比之前度火仲勁囉!

d人偷左野唔認,
仲唔知羞咁話自己冇做過!
我聽完仲唔興過之前呀?

欠人o既野,
今世唔還咪下世還囉!
睇佢都好快還架啦~~

做壞事嘛,
慌會長命得去邊!

衰d講句,
都唔知d人點教仔!!!!



anyway~
件事都去到le個地步,
鬧都起唔到d咩作用,
就睇佢點"厚顏無恥"咁"抬起頭"上庭面對我le個受害人囉!