琴日同仙姐去左睇"桃色".

睇後感冇乜,
只係覺得le套戲想講o既野好少唔多,
但佢拖得好長黎拍,
所以係有d悶,
唯獨好o既係,
佢入面d顏色用得好靚.

其實入面唔多3級野睇,
但唔知點解d人話好多囉~
買飛時,都有ar伯排隊,
好明顯以為有筍野睇啦~
(我就唔覺得佢想睇"藝術"啦!)

入到裡面,
都睇到有幾個ar伯自己一個人睇.

睇到唔到中場,
就有人走左,
係真係唔睇個隻~(初時仲以為佢去廁所,但佢一去就冇回頭啦~)
睇黎冇佢想睇o既野~~kakaa~

睇曬103 mins,
當中有條蛋散不停"大聲"打"喊霧"~(絕對想出位個隻大聲下!),
開頭打一兩次,
OK,我都明有D人係覺得非常之悶,
想"大家"有得笑下,
冇所謂,
但跟住落黎打5,6次,
仲要都係"大大聲"-------"啊!~~~~um~~~",
絕對係全場個個人都聽得清清楚楚個隻(雖然得廿個左右o既人睇~),
咁樣打"喊霧",
我就覺得好騷擾囉~

你唔想睇,
咪好似果個男人咁撇囉~
洗乜係度"懶"稽趣咁先?!

好型呀??

我對le d好反感架!
亦都覺得佢好唔尊重人地囉~(包括做戲同睇戲o既人呀~)
絕對不知所謂呀下!








但唔明仙姐點解可以次次都笑囉.....= ="
(有咩好笑o者!~><)