"小姐,讓個位我坐丫?!"

今早,
我如常由坑口站乘搭地鐵到葵芳返工,
到調景嶺轉觀塘線,
一入車廂,
我已快步走到"吉"位坐低,
否則,
我就要由調景嶺企到葵芳,
腳痺都似.

當我專心睇緊"都市日報"o既時候,
一位身材略肥,
架著厚"塔塔"o既老花眼境,
咩住個側咩袋o既ar婆,
走上前,笑住咁樣...

"小姐,讓個位我坐丫?!"

當時,
我都被佢嚇左嚇,
拿拿聲起身,
仲講"好呀!~唔好意思!",
起身之後,
我繼續睇我o既"都市日報",
但我已經分心,
心諗...我點解同佢講唔好意思?!,
我冇做錯bor?!

發生咩事呀??

我覺得,
佢知我唔會拒絕佢,
因為如果我拒絕佢,
我會畀人眼睥睥,
睥到落車...

到左太子準備轉車搭荃灣線,
ar婆起身,準備落車,
笑住講...

"你仲未落車呀?"

我又被佢嚇一嚇.

"就啦!就啦!(車都未停,點落?!)"

佢繼續問.

"你le個站落車呀?"

"係呀!係呀!"

車門一開,
我就拿拿聲踏出車廂,
遠離個ar婆.

我知道我le個行為有點兒那個,
但我好怕一d熱心o既人.

何況...唔係好熟咋bor~(我怕生!)

對於老人家,
我冇特別同情佢地,
或討厭佢地,
只不過撞啱需要幫忙,
我都會幫忙下囉~

但ar婆le一句"小姐,讓個位我坐丫?!",
我覺得佢有d....

如果個個ar伯ar婆都用le一招,
睇怕佢地搭車都唔怕冇位坐,
只要佢講一句"讓個位我坐丫?!".