今天放工後原本會和同事去食自助餐，
點知同事竟然冇帶優惠卷去．．．
咁即係冇得食～～呵呵

咁禁岩之前誠誠打俾我話佢會去尖沙咀，
我一知冇得去就即刻打俾佢啦～～
好彩佢仲未走，我就緊係約佢食飯啦～
鬼叫佢唔話秘密俾我知，仲隱瞞左我咁耐～
嗚嗚．．．　不過算啦見佢今日咁乖陪我散心．．．
之後我就同佢去左睇＜千杯不醉＞啦～～
嗯嗯，套野都幾攪笑架，睇完諗住返屋企啦．．．
但係突然我好想好想去吹下風～～
所以就去左搭船過中環再轉地鐵，
心情唔知點解就咁又ｄｏｗｎ左落黎．．．
唉！！！　又黎啦，救命～～～
唔通又係因為個”情”字？？
唔會掛．．．都折磨夠啦．．．
天父爸爸我唔鍾意咁樣．．．
唉～～前兩日青少拜單野都未完全好返～～
今日又黎過，不過其實都好感謝天父爸爸～～
因為你已經派左好多人安慰我，
多謝好姊妹們（包括你架誠誠）哈哈～～

好啦今日都講左好多啦，現在已經夜深。ｂｙｅｂｙｅ