This is the LAST UPDATE in PCHOME.
If you want to know more about me,
you can go to http://www.xanga.com/CwaiC

今日花了整天時間執房, 嘩! 真係想像唔到要執咁耐, 好似執極都唔完咁, 我原來有好多書, 好多冇乜睇過o既參考書, 好多紙, 我一個人都已經起碼毀o左數以千棵樹, 我為我做的一切感到非常內疚, 因此, 我將一部分的紙送俾人做草稿, 一部分notes送俾人睇下佢地有冇用, 我咁做個心安落少少啦…… 清理完畢後, 我覺得間房真係輕o左好多, 就好似o係電視見到d女人纖完體咁, 唔係誇張, 係真係好得人驚, 我成個晏晝冇停過o架!

另外, 我highly recommend (P.S.我都唔知點解香港譯名叫, 睇完套戲之後我覺得英文名好好多, 究竟個名係邊個定o架), 真係extremely好睇呀! 睇得我好鬼開心呀! 未上映之前已經好期待, 睇完一d失望都冇, 仲超興奮, more than expected!!!!! 間朱古力廠真係好正, 好多意想不到o既設計, 仲好靚tim~ o個五個拎到golden ticket o既小朋友, 全部都好特別, 每個都有自己獨特o既個性, 仲好鮮明, 好精靈, 選角方面真係做得好好! 講開角色, 裡面有個角色真係不得不提, 唔係依個角色, 依套戲真係爭好遠, 就係一大堆小矮人, 全部都係同一個樣o架! 佢地又跳舞又唱歌, 好鬼抵死!!! 最搞笑係佢地有好多唔同o既造型, 形神俱備, 笑到我一仆一碌, 嗌晒救命! 好彩小矮人唔係依套戲o既selling point咋, 因為真係好surprised! 哈, 我咁講出o黎, 大家就冇o左surprised 囉, 哈哈哈~ 至於Johnny Depp, 我真係幾頂唔順佢個hair style, 但係好襯依個角色o既! 佢d表情就真係幾得, 我幾鍾意喎! 不過, Johnny Depp o係依套戲俾小矮人搶晒鏡lu~!~

上個星期五晏晝, 咁o岩開住電視, 又咁o岩俾我睇到香港直播, 又咁o岩個嘉賓就係詹瑞文, 嘩, 真係好呀! 丘凱敏訪問佢, 原來佢都辛酸o左十幾年, 但係都比好多同行幸運; 原來佢把聲好懾人,幾有魅力bor~ 不愧係我最鍾意o既藝術表演者!! 有機會o既話, 我會再去睇佢11月再做o既, 相信佢一定會有surprise 俾我, 大家都唔好錯過呀~!~

前兩日, 我細佬醒o左本專講Disney o既書仔俾我 (佢知我鍾意嘛, 問個friend拎喎, 原來我細佬都幾有我心~!~), 全本書仔都係講Disney, 全世界五間Disney (including Hong Kong’s), 裡面有好多介紹, 教你點玩, 好吸引呢! 我特別對美國奧蘭多Disney有深厚o既興趣, 依間係最大, 最多o野玩o架~ 我有生之年, 一定要去一次, 我就當依個係我一生o既其中一個目標啦~ 奸爸爹~!~

我發覺依個新聞網成日都有好多故障, 如果再係咁, 我就轉去xanga o架喇!!! 我就俾多幾次機會pc home, 否則唔好怪我呀~!~