久違了這位懶精台長---我又蒲出來了~呢排我都冇乜野做,但我總覺唔夠時間用呢~所以文章都作唔出!!呵呵呵~~其實唔係既~因為好多好朋友就要走,我要好好努力整緊d禮物架ma(要走的人有福了!!~點解走哥個唔係我///....)真係有點唔捨得架~~因為你們一去,可能下次見面時,已經帶埋個老公仔/老婆仔同d子女返黎了...而我仲係孤獨終老!!(我又發什麼癲!!!)

發癲完了~係時候讓大家睇下今次呢篇傑作......
-----------------------------------------------------------------------------------

從小,我便對街市這地方情有獨鍾,不是因為它存有好強烈的魚腥味(說起d氣味...我覺得賣雞的地方一定恐怖十倍!!)不是因為黏到成身魚鱗好好玩~而係......我都唔知點講(鍾意既話係講唔出理由架ma~下省一千字!)

我記起幼稚園時下午不用上學的,台長那時極之乖巧,一放學回家便立刻做完家課,下午就去街市幫手(那時仲細,找錢都唔識,只識整開個膠袋比爸裝d魚...)那時的台長極度可愛,因而受盡天下師奶的歡迎(我記得我會有三個契媽都係因為咁的緣故~)我這樣的行為持續到小三....

到了小四,五開始,進入這個"尷尬期",出街市的次數差不多一年一次~唔知點解,總覺比人睇住哂的感覺好不自在,於是就用"功課繁多"這藉口,不去幫手了.....其實有些原因的,那時候,老師會用一些貧窮的學生和我們比較,激勵我們喎..他們都說那些poor的學生一放學就會到爸媽那里幫手工作和做家課,那時我心諗:家中有冷氣和風扇,幹麼要到街邊受熱?你橫掂都係在那里做家課,還幫到什麼手呢??於是我避免給人用這樣的眼光看我,我就唔到街市幫手了。

話說又到了初二,因為媽媽要生弟弟的綠故,我又出了街市幫手,有一樣東西真的奇怪架~我開始唔怕人,我反而會去睇清楚每個人的特性,例如,有些女士們喜歡挑剔,有些喜歡講價,有些喜歡說好的說話,目的都係為了降低一點的價錢。有些更用"混水摸魚",利用警訊那些橋段,趁多人同時買野時,不給錢的就咁走了去又有;亦有些年青人,會問煮魚的方法~~期間我又學會了用秤,學會了解剖魚肚,把腸子都拿出來,學會了如何叫賣(呢樣我到現在為止都唔多做,一來我會好唔自在,二來我覺得,叫都冇用,要買魚就自動走過來架la)幾好玩架~~~最好的一樣野就係,爸媽都會比我錢或者買野比我食~真的...喜上心頭!!!通常他們到了街市就會很闊綽,可以一次過比好多的錢我,試過有幾次我連拿都不敢(太多耶!!)呵呵呵呵~~~

---------------------------------------------------------------------------------------

呢個星期,我都有出街市幫手,說真的,挺辛苦吧,整天都站著,不能坐著賣的(人地睇到你坐係度係唔會幫襯你,都唔知咩心理)昨天,我幫手解剖尤魚,可能那時多人,媽叫我幫手...媽以為我好醒,睇佢解剖咁多次,點知................................其實都唔關我事架.....係那尤魚的墨囊早就穿了,我先整到周圍都係墨汁之嘛..哼!!!!!死尤魚.....!!!!

之後都係咁...沒什麼,幫手打撈d魚上台(d雪水好凍呀!!我只纖纖玉手呀..)清理,數錢,找錢,整開個膠袋咁...沒有了,我好慶幸我們不是賣塘魚的!!所以唔使幫魚魚打鱗,(打鱗哥d好慘..會整到成屋都係鱗片,又特別腥臭...)對於我們來說,我們算是清潔好多了,雖然都有陣....味....不過咁多年了,嗅覺疲勞完又再疲勞架la,都唔怕架啦~~其實賣魚都好好玩的呢~~

---------------------------------------------------------------------------------------
呀!!!!!呢篇文真係...........真係.........真係.............(非筆墨所以形容的....差!!)再見~嘻!!