今日，去左簽名會，好近距離見到東西北，好開心呀～～～～真係好好好好靚仔，好好好好有禮貌，同埋好好好好笑容，但係。。。




今日因為恃住有Ｐａｓｓ，所以慢慢化妝、食早午餐，１２：１５至到場，但係已經人山人海喇。我去番我果區，已經都幾後下，算啦，已經好近架喇，咁就搵左個台中間既位坐低一路打機一路等。我既隔離係一位男仔，自己一個黎，仲要拎住本新ＭＯＮＤＡＹ（飛輪海做封面）添。我唔敢撩佢講野，費事以為我做咩。﹁＿﹁

無無聊聊２點開始播ＭＶ，但係因為上面有Ｄ吊飾擋住個大電視，所以寧願企起身，睇下有冇位攝下。


３：１５，終於開始喇。Ｄ人一路湧上前，好彩行得快，都好前，不過。。。好多人舉起Ｄ牌，擋住晒個台，咩都睇唔到。我後面冇Ｐａｓｓ果區仲慘，已經企得遠，仲要睇唔到。佢地就大叫放低牌，好鬼大聲，好似街市Ｄ師奶叫囂咁，好彩Ｄ人後尾都肯真係放低Ｄ牌喇。但係，好多人舉手影相，所以睇都好難睇，更何況影相。唉～

又一多人證據。

出黎冇幾耐，就要開始簽名喇。Ｄ人唔知點解好快走去拎簽名ＰＯＳＴＥＲ，所以可以再行前去影相喇。不過係更加難影既，因為好多人肉佈景板。

有個偉人救左我呢張相，真係哈利路亞喇！

終於影到三個人喇。呼～～任務完成～～～

呢張係我最滿意既，因為兩個既動作都好一致，阿西仲好搞笑地登起對眼望過黎添，好似龍眼呀。


佢地只要一有時間就會跟台下既人打招呼，真係好忙，但係對ＦＡＮＳ黎講真係好開心，因為我後面有堆人係咁大叫，所以佢地成日都會望過黎。




終於到我上去喇～，係唔俾影相，恕我冇相提供，只能形容喇。
每一位我都用我對霹靂無敵老虎牙去迎戰佢地型英帥三人組，因為真係太開心，可以握佢地隻手呀～～～





首先握阿北隻手，佢戴左有色ＣＯＮ，所以對眼好靚。佢簽名後，同我握手講謝謝，我同佢講加油喔！佢都有再同我講多一聲謝謝。對望＆握實隻手時間：４秒＆３秒。



之後係阿東，因為我有寫信俾佢，所以佢伸隻手想同我握手時，我就俾封信佢同佢講送俾佢，跟住我地兩個就唔知送／收信先定係握手先，左右左右咁，咁都玩左兩秒。之後佢就收左封信再同我握手，而且係一路握，一路簽。因為太開心，同好有實力，我竟然就咁唔記得同佢講生日快樂喇。唉～不過唔緊要，我封信有寫，如果有睇既話。對望＆握實隻手時間：６秒＆４秒



最後係阿西，佢先先望住我講哈佬～，可能之前既走得快，變左佢好似等我過去咁，搞到我有Ｄ唔好意思要佢等咁，笑住同佢講哈佬～咁就望多左我幾秒喇。因為佢瞪到對眼好大，我都瞪番佢。之後簽完握手都好實在，應該係話好大力，好似將我由剛才既天堂拉番黎現實咁。對望＆握實隻手時間：８秒＆２秒。




就咁，一次追星既行程又告一段落喇。

最後，竟然識左個同我一樣鍾意阿東既女仔，剛剛至知，我大佢１１年，唉～～老喇老喇～