各位，正式宣佈，我將會到三洋返工！

２９／２本來都預左係請假，黎排ＢＳＢ演唱會既隊，點知早一兩日至知有兩間公司不約而同都係約２９／２見工。咁唯有犧牲我愛既明星，把握左我既前途為重先啦！

（無圖，因為臨走，費事ＤＬ喇）


下晝我見完之後，就拿拿聲去睇醫生拎假紙，等睇時，個ＡＧＥＮＴ打番俾我話得左，我開心都黎唔切，因為由走到聽到電話都只係隔左唔夠兩個鐘，而我臨走時仲見到出面有人填緊ＦＯＲＭ，我見都要見左接近成個鐘至走。咁可能係我之後見完個女仔覺得我好Ｄ就立即打俾ＡＧＥＮＴ話請我啦，所以咁快知都好突然。

到我入到去ＡＳＩＡ　ＥＸＰＯ會場時，發現真係超多人，我仲要排到第八區輪候區添，如果唔係見工就一定會排到第一架喇！我仲要無得攝去我朋友既第七區度添呀～～！不過．．．．．．





天父真愛我！




我ＦＤ突然打比我話佢果區剛剛冇食蕉守住，叫我唔好講咁多即刻過去，咁我就真係先先拎左我果區既留位出入票先，之後就狂跑去前面搵佢，果然係第七區既前頭位置，佢即刻開左個鐵馬，叫我快Ｄ入去，咁就成功左喇﹗呼～！真係一額汗！我仲好開心咁大叫：我地重逢啦～～哈哈！



因為全程都係不設劃位全企，所以終於到開場熄燈既時候，Ｄ人係咁湧晒去前面，我就順住人潮，係咁迫去前面．．．．．．終於睇到喇！離個台超近，只係隔左４行人而已，仲ＨＩＧＨ過見到ｗ－ｉｎｄｓ．呀！因為真係等足１２年至再來ＨＫ，而且仲係超水準演出，好少時間講野，因為係一首接一首去唱，唔係成日走去換衫，只係有成員ＳＯＬＯ時至有得抖下，所以雖然唱左唔夠兩個鐘，但係已經好開心架喇。

最後只係ＥＮＣＯＲＥ左一首，ＮＩＣＫ就訓低左，因為由第一首歌開始，見到佢地係咁大汗疊細汗，好似想休克咁（我都係），睇番報紙至知佢地已經俾原定既９０分鐘唱多左１５分鐘，又難怪咁樣，所以到樂隊開始拆台時，我地都好依依不捨，乖乖地走喇．．．．．．

而家上網ＳＥＡＲＣＨ都搵到好多當晚既片段喇，好開心呀～～！