１５／９我去到ＢＢＣ舖頭，出面有一條人龍等入去﹗救命﹗已經熱到嘔咁濟，仲要冇冷氣地企0係街度等﹗不過既然黎到，人龍又唔係太長（冇轉入另一條街），唯有打住機等下啦﹗

就黎到我入去既時候，見到邱淑貞老公（好似叫徐嘉偉）0係我前面直接入去。乞人憎﹗佢入去仲望住我地呢條排到辛水辛汗既人添，佢個樣冇咩表情，我都冇咩表情，因為我排到變左一個水人咁。冇計啦，鬼叫人地有個出名老婆咩﹗咪唔駛好似我地呢班傻人排隊囉～～0車﹗

等多大約分半鐘就入得去喇。地下係賣波鞋，佢整到好似雪糕屋咁好靚。而Ｄ波鞋就好似雪糕咁擺0係矮雪櫃度俾人睇。一樓都係雪糕ＬＩＮＥ，係賣衫褲的。我問ＳＡＬＥＳ有冇我想要果件ＴＥＥ，佢話果款空心ＬＯＧＯ已經係上一季款式，今季係轉用彩色ＬＯＧＯ，彩色既話就唔好睇既，所以冇買到。見到有ＣＡＰ賣，佢前面係只得兩粒車厘子，後面係雪糕字樣ＬＯＧＯ，都幾突出，不過頂帽仲貴過件ＴＥＥ，好似要＄５９９。咪搞﹗

準備上二樓時，同一樓光撐撐既感覺好唔同。樓梯、扶手、牆、天花板係全黑，只係有一排排藍色燈0係樓梯邊邊俾人知係梯級位，梯級距離又細又窄，上去時要扶住兩邊扶手，睇實Ｄ藍燈小心翼翼至可以行上去，否則隨時仆街﹗成個款做到好似火箭要準備發射既跑道咁，無錯，第二層係另一條ＬＩＮＥ，太空ＬＩＮＥ﹗裡面格局好靚，我曾經希望自己間屋既燈係咁樣。佢好似鑿壁偷光咁，做好多個細孔既假牆來遮蓋強勁燈光，搞到呢層好似太空中既星星咁，冇得頂（應該電費勁貴）。唔記得中間有冇大燈喇﹗之後又見到果個徐嘉偉由三樓落番黎，佢又望住我，我又望住佢（因為我最近條樓梯）　﹁＿﹁∥　　上三樓時，呢層最細，得下層一半咁濟，只有兩個玻璃櫃，中間既櫃會自轉，上面擺兩頂帽＋兩件ＴＥＥ　ＯＮＬＹ，另一個係ＣＯＵＮＴＥＲ，冇野睇既。結果計埋排隊時間，４５分鐘完成今次ＢＢＣ之旅。

既然黎到咁近，順便再繼續ＮＩＧＯ之旅，去ＢＡＰＥ　ＳＨＯＰ行下先﹗

原來兩間舖只係上面街同下面街，一條長樓梯之隔而已，但如果由ＢＡＰＥ　ＳＨＯＰ走上去ＢＢＣ　ＳＨＯＰ都幾索氣。見到ＢＡＰＹ門口有條欄杆封住個入口，唔係卦﹖又要排﹖不過說時遲，那時快，看門口既女人見我想入去就解左個欄俾我入去喇﹗哦～﹗嚇得我﹗入到去都好大，女裝同童裝都要上二樓，都幾靚，不過當見到一個一蚊大既卡通心口針都要＄６９既時候，個心即刻冷一截．﹏．∥結果買左兩樣全場算係最平又幾實用既禮物，一件因為自己太鍾意，都係留番自己用既螢光綠Ｑ版猿人電話掛飾，另一份本來想送俾基基做下個月既生日禮物，不過尋日見到一樣更加好既，所以呢份禮物我留番先喇﹗我自己就覺得果份正Ｄ喇，唔知佢點諗呢﹖

買完之後３點又倦又肚餓，於是返番屋村商場食ＬＵＮＣＨ，抖番下至去跳舞。當日收獲果真豐富﹗好耐冇去名店ＳＨＯＰＰＩＮＧ喇﹗ＹＥＡＨ～﹗

你呢個樣都好靚仔啊～﹗　︴（●。▽。●；）