2007-02-27 01:29:09TANOSHI
長假期完結
話咁快，今日第一日返工喇。
今日延遲返工時間，10:30 至開工。但我今朝 7 點左右竟然起咗身去嘔~~~﹗救命﹗
好彩只係嘔咗一輪就冇事，所以可以照原定時間，9 點起身返工。
返到去，當然周圍逗利是啦。呵呵~~﹗
之後諗住逗完利是就正式開工啦~~﹗點知，同放假前咁樣，喺眾人既吹噓之下，老細竟然喺公司開賭檔，玩三公，我同另一位同事細細地玩，都同上次一樣贏錢。呵呵﹗其他同事就幾百蚊上落，我哋兩個就廿蚊廿蚊咁去，上次就贏 90 蚊，今次因為好快就收檔，所以都係贏 60 蚊咋。咁都好過輸既﹗今次老細就最傷喇，上次佢做莊，就贏千幾蚊；今次佢做莊就輸幾千蚊。WOW﹗
之後隔咗無幾耐，又要出去食開年飯，我朝早嘔完都唔係好有心機去食嘢，但唔食又唔得。真係進退兩難﹏﹏
之後2:30食完飯，照番正常開工做嘢，咁就癲完一個上晝喇，哈哈﹗
原來仲未癲完，另一個老細喺 4 點幾，竟然叫我哋寫外賣（即係老細請食外賣）。
唔係呀化﹖兩點幾食完餐全部人都飽到嘔既開年飯，4 點就再叫嘢食﹖有錢都唔係咁樣駛吖﹖有錢無碇駛既，套現俾我仲好吖﹗
之後因為大家都真係食唔落，而同番老細講多謝（夾承惠）喇，但真係食唔到。好彩老細都明白，冇叫我哋寫嘢食喇﹗
聽日工作正常返晒架喇，都唔知幾時又可以咁樣玩喇﹗哈哈﹗
慘,窮,不快樂的人好多,想去日本留學的人不只你一個,有錢有時間,後生,點解不去?
去增廣見聞,有什麼不好,不喜歡可以回來!好平常!你又懂日文!但如果只去讀書好笨,最好在日本識到你的另一半,找到好男人,照顧你就最好!
到時你不留在那裡都唔得,不用想咁多!
找住你的幸福!
恭喜你平安歸來。
我去日本讀日文，唔係玩玩下，我係抱著『破釜沈舟』既心態。
唔俾自己有藉口，對於『讀得唔 HAPPY 既就返0黎囉』呢一類既說話，我係唔會妥協既。 2007-03-06 01:34:13