上星期見咗本來有 9 成機會請既一份工，今日竟然話俾我知，已經請咗另一個人，尋晚祈禱求神話俾我知究竟得唔得﹖呢份工係咪天父既旨意，今日就透過 Agent 話俾我知唔係喇﹗唉，真係冇眼睇喇﹗

尋日下晝去咗尖東見咗一份，點知 Agent 寫俾我既 Building 名係錯既，因為裡面有兩幢 Building，問樓下詢問處都唔知，叫我是旦上一幢啦，上到去睇個水牌都唔係呢間公司名，咁落番去大堂時 Agent 打電話俾我，我都忍住度氣，話俾佢知冇呢幢嘢囉，佢就話試下去嗰層公司既門口睇下係咪先啦﹗上番去再睇下又係喎﹗後來聽番呢間公司既人講，原來尋日至搬入嚟，所以個水牌仲未改囉﹗唉﹗但係個大廈名唔同，就搞到我遲到囉﹗本來時間剛剛好嘛﹗

上到去，都未填好張 Form 就已經有兩個日本男人（一老一嫩）衝入嚟開始面試喇﹗好彩，冇考我英文，淨係考國語，嫩嗰個（靚仔）識國語，都 OK 啦﹗之後佢講番俾老嗰個（分社社長）知我哋講咩嘢﹗基本上要做既嘢係呢兩個男人要成日上大陸，總之唔會喺公司，而請呢個 Post 就係同另一個女人看守大本營，跟單、聽電話、落街等等…一般既 Sales Coordinator。不過最後佢講，原來當日會見五個人，再喺當中揀一個，呢一兩日就會知喇﹗


唉﹗自問已經冇咩信心喇﹗不過都係問下神幾時至成功啦﹗而家唔駛返工有 D 百無聊賴既感覺，雖然日日瞓到十點幾、雖然可以去街唔駛同人迫、雖然可以成日坐喺屋企刨碟………

（練歌時間）

w-inds.：（唱）冇眼睇，抵你死…

私：（大怒）唔准唱呀﹗﹗