原來已經冇寫日記幾天喇﹗呵呵﹗我繼續寫我既搵工之路﹗

星期一我瞓到成 11 點幾，好悠閒地食完午餐之後，就到金鐘見 Agent，其中發生咗 D 瘀事：我去到坐低填 Form 時，為免有人打電話俾我，咁我就熄電話，平時我只會較震機，但今日心血來潮想熄咗佢，但係唔記得我有關機鈴聲，仲係一把魔鬼既笑聲添，咁於是，把聲就喺成間房迴盪著… -_-’’’

見既過程好順利，我仲將記得既英文講晒俾佢聽，之後佢都話有兩份工可以試下同我問，一份係旺角，一份係尖咀，OK﹗咁就返去睇完靚仔醫生之後，返屋企眠一眠喇﹗

直到星期四，Agent 打俾我，旺角嗰間有聲氣，叫我 2/6 11:00 上去見，即刻講番俾同事聽叫佢幫我請假。睇番呢間公司，公司名叫做『千葉金屬...』咦﹖涼平都係姓『千葉』喎﹗哈哈﹗Post is Administrator, 有 Double Pay, 5 days / week, 7 days annual holiday, 12-15K / Month ……聽到咁樣，仲唔口水都流晒。

但係有一樣嘢唔好：公司雖然係日本公司，但請嗰個 Post 唔需要講日文，人少少，只有三個日本人 + 兩個香港女姓（其中一個識講日文）

但係因為好好 Pay，而且都唔一定請硬，於是就試下見啦﹗

今日個天係咁倒水，我就好狼狽咁，搞到有巴士唔搭，走去搭地鐵，10:55 去到嗰間公司樓下，剛剛改掛紅雨﹗作死﹗好心改黑雨啦﹗都好彩叫做冇遲到啦﹗上到去，Form 都唔駛填，即刻三師會審﹗兩個日本男人（其中一個老闆）+ 一個香港女人（唔識日文）= 全程英文面試﹗問你死未﹖

死 ing...　死咗啦﹗

問咗兩三條問題之後，已經問我仲有冇問題﹖例如 Profit, salary, etc...我就唔問呢 D 嘢，扮晒嘢走去問呢間公司做 D 咩 Product 呀﹖大陸有冇廠呀﹖咁樣。懶係唔係為錢而去做呢份工咁﹗之後佢哋都冇問題問我喇，就叫我可以走得﹗由入門口開始計，都返出去，前後只須 15 分鐘﹗唉﹗冇行喇﹗我都未試過一份工見得咁快，仲要全英文添﹗又緊張，又淋到菠蘿蓋對下全部濕晒，今日可算係食白果喇﹗於是返去食完飯，睇一陣電視就瞓一陣，真係好勊﹗

呀~~~~~~~~~~~~~~~~~~~~~~~~~~~~~﹗