多謝大家喺小肥女子踏入 26 歲前，同我慶祝生日，今日又收到好幾個 SMS，不過今日要同舅父佢哋一共 6 個人喺屋企打邊爐，冇得出街玩。

一踏入二月已經同一大班朋友去銅鑼灣 Neway CEO 唱 K ，今日同同事講番原來年初一至三大部份 K 舖唱 K 都係平咗，年初四打後就好貴。嗰日真係好唔好意思，本來諗住 $15X，最後要搞到每人 $209。而且只係唱到 12 點幾個個都嚷住要走，其實我仲想繼續唱架﹗不過有 D 第二日要返工，都係唔好搞住佢哋喇﹗

之後 3 號上咗廣州搵日文 Miss，因為佢走咗去廣州教書，我哋搭直通火車來回，真係好鬼勊，成 11 點幾至到紅磡，返到屋企都已經接近 1 點喇﹗但係周圍行吓，食吓嘢，傾吓近況都好開心﹗

尋日 5 號，舊公司同事 Rita 同 TT 請我去尖咀食飯，後來決定去酒樓食龍蝦伊麵，真係好好食呀﹗因為有好多粒波子，不過真係好漏，要打包俾我阿媽至搞掂﹗

今日又有兩單慶祝會稍後至約喇，今年既生日真係好好好熱鬧呀﹗我都係每年既生日，都要留喺一大班朋友既身邊好 D 喇﹗舊年真係好悶呀~﹗


Happy Birthday to ME! w-inds. 快 D 嚟香港啦﹗姐姐鍚鍚﹗ -3- 嘔~﹗