係呀﹗各位，我終於開番壇喇﹗因為我都怕再唔寫呢度會俾人拆檔﹗

搬咗嚟新屋已經差不多有 3 個月喇﹗都已經搞掂晒喇，仲招呼過朋友仔上嚟坐添，不過上次真係齋坐，傾計、飲嘢、食嘢，冇咩招呼。佢哋仲要山長水遠過嚟添，辛苦晒﹗遲 D 有酒樓，冷氣街市，總算有多個地方食嘢同行下啦﹗而家我間房重爭一樣嘢，就係可以擺喺床上面既櫈，因為我部 Note Book 放喺床頭櫃上面，所以用電腦時成日吊住隻手，好鬼辛苦。而家諗緊買個大型既豆袋，但係又搵唔到。激死人﹗如果大家見到有，幫我留意下啦﹗

工作方面，真係『嘆十聲』喇﹗唉~~~~因為我阿姐八月頭遞信走人，老頂問我做唔做佢個位，我死都唔肯做，佢就話因為而家未請到人要我暫時做住先，等遲 D 請到喇，就唔駛我。咁咪即係做佢個位啦﹗廢話﹗佢都癡癡地線架﹗總之 8, 9 月我都俾佢搞到不似人形啦﹗好彩，星期一有新人返工喇﹗佢就係做阿姐個位既，年紀好似係 38。希望佢唔好咁快走，捱到我 1 月走為止啦﹗