上兩個禮拜，公司趕住落貨之餘，屋企又要趕住添置傢俱，燈呀、窗簾呀、冷氣機呀等等，搞到返工忙，放工又忙。

呢個禮拜又唔知做咩事，公司冇咩嘢做，日日數鑽石，等放工。反而咁樣冇嘢做仲痛苦，正一賤骨頭。今日寄咗信出去見份新工，試下都好，不過都係唔好抱太大期望喇﹗雖然係日本公司、月入過萬、又係做錶…唔諗呀﹗唔諗呀﹗>_<

近排舊同事 TT 成日打電話嚟訴苦，話佢公司每個人做嘢既形式都唔同，有 D 人做錯嘢唔出聲，要 TT 成日食死貓。又由入去到而家一毫子都冇加過俾佢，搞到做嘢冇晒心機，仲成日喺我面前話想走。佢而家咁樣好似我以前咁，成日諗住走，周圍發脾四，終於俾多個月糧我。聽到 TT 咁講有少少唔想 TT 好似我咁樣走，因為我覺得佢好似俾人利用咗咁，如果係因為咁樣而走就算俾多個月我都唔抵囉。Rita 唔知係咪以為我叫 TT 唔好再留喺度做，而家好似嬲咗我添。不過算啦，應該冇事既。

都係瞓覺先喇﹗早抖﹗