我頭先真係真係見到佢哋呀~﹗嘻嘻，不過佢哋見唔到我，因為剛才 Yahoo Japan 網有半小時佢哋 Live Talk，佢哋 9 點，即係我哋既 8 點，而且我又未開飯，咁咪睇得囉﹗呵呵﹗^0^ 因為 Live Talk 係好難聽架，我意思係好難睇得到同埋好難聽得明，真係唔明一個字就會成句唔知佢講咩嘢﹗好彩我既日文都仲 Keep 到，唔明 2 成啫﹗本來仲有 Chat Room，但係淨係掛住聽佢哋講嘢都唔得閒，又要睇住佢哋，都係費事打，而且又有個鬼婆主持負責揀問題問佢哋既。不過中途有人 Send Message 讚涼平跳舞好睇，咁鬼婆主持就叫佢當眾跳，可能真係冇準備 + 緊張，本來一路好順利，最後凌空轉身，“呯啪”瞓喺地下度，真係臨尾香。但係個主持仲話好勁呀~好型呀~咁﹗因為係好明顯係失手嗰種，所以我覺得個主持好似好虛偽喎﹗而涼平佢都好誠實講係佢真係失手。咁先係嘛﹗

主持又問慶太同龍一覺唔覺得佢哋一齊係命運既安排呢（因為佢哋出世日期只差一日），龍一話咁咪好囉，好過同一日出世啦，否則兩個咪變咗做同一種動物（應該係動物占卜之類）囉﹗吓﹗你瞓醒未呀﹖


講下題外話，我仲未去睇間屋，不過媽咪話間屋好細，如果間兩間房個廳會冇咩路行，我間房變咗得番 7 呎。我都唔知有幾大，過兩日得閒至去睇啦﹗我遲 D 唔得閒出嚟玩喇﹗掛住設計間屋又要忙住執嘢，我諗 6 月都會得番半條人喇﹗See ya~~~


今日好開心呀~~~~