我唔係想0係度打歌詞呀，不過有 D 感概咋﹗


尋日朝早返教會，突然俾一個密友打黎既電話嚇一跳，因為佢問我之後有冇時間，話有野同我講，我心諗，如果約出黎同我講既應該唔係小事，點知…又聽到一個唔好既消息。


我聽完佢講之後，再諗番自己壇既，發覺真係好橋，同時間開始，同時間終結，不過我同佢最大既分別係：佢地真係有一齊過，而我既呢，就無聲無息開始，又無聲無息無左。


唔通我同我呢位密友既命運都係咁﹖唔會既，天父一定會賜一個真係從心裡面對我地好既，真係珍惜我地既人俾我地既。不過，當然唔會咁簡單就會遇到，唔遇過挫折又點會珍惜將來0個個呢﹖係咪﹖而且人應該係展望將來，而唔係回望過去。所以，唔單止係呢位密友，睇到呢篇既朋友仔都係呀，人海中一定會有人既命運同我地既幸福連埋一齊架，我都識到你地啦，所以唔好放棄夢想呀﹗