今日睇報紙，話北極某d地方竟然熱到可以俾駐紮係個度既考察員除晒衫曬日光浴！溫室效應簡直已經發作到離晒譜。係度啟發左我一樣野，原來人類之所以有智慧，就係為左應付人類本身既智慧，而唔係要成為咩萬物之靈。

人有智慧追求更高層次既生活，所以都要有智慧發展科技去滿足返自己既需求。
人有智慧將資源物盡其用，所以都要有智慧控制過度利用時產生既惡果。
人有智慧想探索萬物，所以都要有智慧驗證出各種科學理論。
人有智慧識得攻於心計，所以都要有智慧識得圓滑咁處理人際關係。
人有智慧懂得如何利己損人，所以都要有智慧衍生出追崇愛人如己既思想意識。

但可惜，前者總係比後者技勝一籌，於是好諷刺地，人類正被自己既智慧撃潰中，呢邊既智慧平衡唔到個邊既智慧，以致於人類世界變得越黎越不完全。唔講都feel到，越近未來，就硬係越似世界末日，硬係令人越黎越不安咁。d智慧越用得多，就越顯得人類既智慧不足。點解d動物冇智慧又冇問題？因為佢地冇智慧製造出一d要用佢地既智慧面對既野。