剛過去的星期六日，和中六中七的一班朋友去了大嶼山宿營。入到去既天氣好到爆，又唔太曬，最緊要係個天一片蔚藍，完全冇落雨，同早上時係天淵之別。間屋夠晒闊落，擺兩張桌都仲有位剩。我地先去了海灘玩，好低b地用沙灘波玩沙灘排球，完全冇界同規矩可言，但玩得好好笑，證明一大班人玩乜都係好玩。

夜晚係屋外面燒野食，但原來周圍幾間屋都係係我地個邊燒，第一次去camp同幾十人一齊燒，好似去左燒烤場咁。中途時不時就有閃光出現，多到後尾都唔知係隔離爐d人係度影相定真係閃電，點知燒燒下真係落起雨，啦啦聲將d野極速搬入屋，由得個爐自生自滅。d雨5分鐘倒就停左，於是我地又繼續燒，個爐竟然一d都未減弱過，依然十分旺盛，原來只要有炭係度就算有雨都唔會淋得熄。

到左夜晚終於到左戲玉。初時分開打牌同鋤D，我地玩輸幾隻罰做幾下掌上壓，但都唔算太harsh，之後玩集體card game先至最正。我地先玩七級豬，之後玩「最大話事」同「開口中」，大家醜惡既一面終於表露無遺，大家都盡量諗d令人難堪既懲罰，之後就拍低佢，搞到大家越玩越精神，終於有幾個唔捱得夜既都全部一齊玩到差唔多天光先訓覺。

呢個一年搞一次既camp真係玩得勁開心，希望預期會係開學前搞既camp都搞得成啦，唔想再重蹈上年覆轍了。