intern不知不覺已經踏入第四週，做左好多唔同性質既工作，有filing、打電話、dup帶、做reciption、剪報紙、打字、對資料、出去拍野等，雖然大部分都係d輕鯨既工作，但每個工作都有野學到，最正當然係出去做野個陣，好似今日就成日走左去「藥物資訊天地」幫手(其實係得個睇字)拍片。第一次親身睇住d真係pro既人係度打燈、度位，感覺同個時玩tv pro時差唔多，但就確實係專業好多。

最可惜只係尋日冇得去睇d廣告公司present，如冇意外應該唔會再有，不過都有睇返佢地d proposal補數。唔知係咪年紀有差別，同事選出黎條橋我覺得又係d leung野，又係講返啪左丸點樣神志不清法；反而有間係用d人成日笑阿婆信補藥黨好蠢，諷刺d人連損友講「試一次唔會上癮」都信仲蠢，我覺得呢個仲好，夠creative同簡單直接。不過冇計啦，又唔係我話事。

intern做到而家仲有意外既收獲，就係勁有食神。先後有cheese cake、生果盤、源源不絕既荔枝、岩岩係泰國旅行完返黎既同事帶返黎既野食，仲俾人請食左兩次飯，好happy。

呢份工有時真係幾悶，不過勝在唔使拉卡，差唔多時間返到去就得，又差唔多次次都可以準時走人，最多都係留多幾個字，最正係可以食成個半鐘lunch，諗落d待遇認真唔錯。