今日係返工以黎第一次出去做野，十分期待。個活動只係短短既30分鐘，請左胡杏兒同黎諾懿(兩個我都冇興趣)做嘉賓，又係玩下遊戲、宣傳下禁毒訊息既例牌流程。我負責係出面做reciption，叫記者簽名同俾佢地label，工作好輕鬆，期間仲撞到兩個同學仔黎採訪，感覺同係學校撞到完全唔同，好特別。
不過，係做緊時收到既一個電話，係我整日既轉捩點。同學仔打黎話已經有得睇成績了，但我知道自己今個sem唔好，唔想咁快知住。然而，最終我都係係臨走前，借用左場地既電腦匆匆咁睇左。Woo！暴跌將近0.5，爽爆！如無意外，應該係最大退步獎既得主。我只係估唔到，竟然係死係criminology手上。下個sem，不可能係輕鬆中渡過了。