030926 (星期五) 曬

今日走o左我係大學既第一堂!

琴晚成四點幾先目訓，其實今朝我都起到身‧‧‧但係真係好唔想上ECON。佢教得勁GENERAL，所有O野都係輕輕帶過就算‧‧‧上佢堂=冇上過咁滯，都係自己惡補下睇下書先!辛好而家呢D仲係F.5野，我唔多唔少都仲有少少印象O既~

唔上呢堂八點半真係爽好多呀! 因為下一堂上一點半~ 爽!十一點到先起身仲鬼咁精神~

好快就到競莊o既大日子，由於我o個層有人有份競莊‧‧‧都唔知做唔做helper好。自己又好多o野要忙咁~ 加上我都係想保持中立多d，我而家都仲未知2支莊有d乜o野人，唔想莽下判斷。

上完account同Annit還張TEMP CARD，勁肉酸我O地又行錯路。一日內肉酸九十幾魂‧‧‧PRINT埋O野三點幾走人，山長水遠返到屋企就成五點喇~ 一出車立門仲驚覺點鰎解會有人係我屋企，遠距離望仲見到有人係度開雪櫃!哦.....原來係小表弟。

今晚婆婆係度煮飯，爸媽去O左旅行佢就成慌死我同哥哥會餓死係屋企咁^_^" 集齊人就食飯喇~ 婆婆煮D餱‧‧‧食唔慣‧‧‧唔好食!佢都係不斷叫我飲湯‧‧‧

「詩敏，飲多淡湯啦!」
「哦!」
「你係入面冇得飲，飲多D啦!」
「係。」

自從我住O左宿舍之後，好多人同我講親O野都係:

「你係入面.....」
「你幾時出返O黎呀?」
「你入面有冇(呢樣O個樣).....」
「你出返O黎O個陣.....」
「你係入面夜晚......」

^_^" 好似坐監咁~

夜晚媽媽打O黎，很可惜佢個電話收得勁勁..勁差‧‧‧完全唔知佢想講乜‧‧‧不斷係求潛水(無奈)。

今個週未決定唔出街留係屋企做O野!