030925 (星期四) 熱

今日又要學琴~ 早O左少少去到練琴，但係‧‧‧好明顯都唔熟~ 唉‧‧‧!! 超內疚~ 雖然老師都冇特別話我，但係自己都知衰啦!情緒超級低落‧‧‧

學完琴都冇行沙田就返O黎，費事預到D時間咁「蚊」，因為遲到上堂實在太樣衰~ 上O左堂LOGIC，派個EX.落O黎又唔比答案我O地，仲勁玄咁同我O地講「有O野要諗下」(滴汗)，但又唔話比你知邊條錯O左‧‧‧超痛苦!

今日我o地又煮飯仔，冇O左SHARON係度，我同阿春好快就可以係街市出返O黎。我地又唔知做乜咁話想食蕃茄牛肉就去買料整，但係最後先發覺我O地冇人識整O羅~肉酸。最後我地都整O左佢出O黎‧‧‧賣相就麻麻地，但味道都OK。今餐飯都好成功!

我O地深信一年後，一定會有D拿手O野帶走。

超飽‧‧‧仍然係2「乜」米同2「乜」「半」米糾纏梗‧‧‧最後都係2「乜」米勝出!雖然最後徐小姐都唔駛食返多出O既「半」乜米‧‧‧哈哈! 食飯其間，傾傾下先發覺原來大家O既媽媽都一樣，我O地返親屋企一定會有湯飲~ WARM!

今晚沖完涼就係電腦面前不斷惡補我O既日記，都唔知要幾多個工作天先可以補得哂呢? 打打下日記又唔知做乜鬼係度勁玩ICQ啦! 都話打日記時唔可以開ICQ架啦~ 一開就十世都打唔到一篇!

夜晚2點幾，比個傳說中O既ALAN同CELIA笑到死O左!

P.S CELIA 輸O左比 ALAN =______________________________=""