030919 (星期五) 晴天

開心星期五!

今日淨係上兩堂O乍! 其實呢兩堂我都可以走，但係暫時都仲有D堅持‧‧‧下晝上堂ACCOUNT時已經勁有HOLIDAY
MOOD~ 仲要比同學仔笑我勁悠閒慢慢行入班房^_^” 好開心咁上完堂就閃喇~

翠碧又係放三點幾，咁就順理成章咁相約佢啦! 因為我O地約O左今日大聯誼呀~ 勁興奮! 四點幾出到沙田，遠距離見到BODY SHOP好似摺O左都有D嚇親，原來只不過係內部裝修O者! 但係個由細睇到大O既音樂噴泉真係拆喇~ 好可惜呀!!

因為之前冇做ACCOUNT功課‧‧‧因而超內疚，所以拎O左本書返屋企，搞到勁鬼重!同翠碧去O左「紅豆子」食TEA，又食到心愛魷魚鬚~ 太好了!

六點大集合就………唔知去邊好……………又未想食飯住。就係咁就決定O左唱歌仔，都唔知點解當我地個個得閒O既時候就係唱K最貴O既時間，真係貴到顛位位126 =_=” 唱完之後即刻要食返麥麥~ 一齊食麥麥時好有以前一齊食LUNCHO既感覺‧‧‧

我地坐到麥麥收鋪，唔知講講下講D乜O野….呀~ 好似係講起魔術! 咁我O地就搵地方坐低玩。原來DELIFERENCE關門後D凳係可以坐O架，不過就冇乜冷氣! 我地由低B野開始玩起‧‧‧但係真係好低B。亞寶同滴滴玩時仲表演失敗O左添!

玩估啤牌真係好神奇‧‧‧十萬個為什麼?? 超無奈，完全覺得我同滴滴比你玩梗‧‧‧而燮燮就超級唔信係度發顛~
明明佢唔知O架…..點解O既 =________= 之後都玩O左D遊戲………原來最屎個個係燮燮~ 睇O黎佢O既IQ同EQ都冇乜~ 自己一D都唔估下就要人開估

玩到十二點幾就要趕尾班車返屋企喇~ 唔知做乜咁竟然上左O架80K，要行老遠先返到屋企，仲要係途中見到班不良青年!!

今日好開心‧好開心~ 期待十二月燮燮之旅!

明天關爸關媽就起行喇~ 旅途愉快!