030913 (星期六) 熱

今日成日都留O左係屋企!

努力O地翻開ECON書諗住惡補一下，點知都係睇O左幾頁就好眼目訓! 不過睇O左幾版，感覺上都好D既，起碼有D概念同歐返我CERT.學O個D ECON野返O黎。

係屋企成日不斷係度練琴練琴，而家唔練都唔知仲有冇機會練。係學校練又要BOOK 房麻麻煩煩咁~ 係屋企玩下玩又六點幾又要準備出發去食飯。

今晚同婆婆PRE-慶祝生日，正日好似係月尾，但係爸爸媽媽下個星期就飛喇!而舅父星期日又要去日本做O野，好似各散東西咁!今次聚一聚，都唔知幾時先可以集得齊所有人!

我發覺我自己都幾唔鐘意呢D咁多人O既場合!見到D十年都唔會見一次O既人，真係唔係幾想同佢講O野~ 所有O既對話都冇意思O既。

「讀大學喇…………..呀….係啦係啦……….」
「住宿舍呀…….O丫~係呀係呀……..」
「廋O左喎………..呀………係咩係咩…….」

通常係呢D場合我都只係會同小表妹一齊坐、一齊笑、一齊討論‧‧‧都係衰衰O地咁!

今日和公公婆婆拍拍照，相片中的他們真的老了很多很多‧‧‧