030911 (星期四) 熱

今日係中秋節呀!中秋節快樂。

今日其實我係冇堂要上，但係琴晚係HALL玩到好夜加上未洗衫，咁冇理由拎D衫返屋企洗又拎返HALL架!

02'返八半，一朝早我就聽到佢好趕咁走來走去‧‧‧但係我好快又目訓返著。好明顯都係好眼目訓，都唔理得咁多喇!

目訓到十點幾就起身，諗住拿拿臨洗衫‧‧‧拿拿臨洗完掛埋D衫就可以走人! 點知SHARON小姐仲未起身，我仲嘈醒埋佢同房添^_^" 咁唯有等佢起身先啦!

等佢起身刷牙洗面，同房都上完堂返O黎。一齊洗O左衫，再同同房食埋O野~一點幾就走人。

搭巴士又係不停咁中眼目訓啦‧‧‧搭車返到大圍剪頭髮!剪完返到屋企都五點幾~又超支力超無力!返到屋企已經見到有五個燈籠掛哂係度，勁有節日氣氛^_^"

中秋節O既夜晚都係得我一個係屋企，老哥又出O左去、關爸關媽出去沙田睇花燈! 我當然冇佢O地咁好興致出去。食完飯睇睇下電視-----套英雄XXX超勁悶!睇睇下我又目訓著O左ZZZZZ…

十點幾比彭小姐個電話嘈醒O左，佢叫我出去賞月。唔好玩啦-----涼都沖埋完全唔想出去! 如果係去食糖水我都肯O既，但係佢又剛剛食完飯。

比佢嘈醒後玩O左一陣ICQ我又頂唔順去目訓喇!今年又有月光睇、又有火星睇… 但係我都冇睇過個月亮我就已經上床ZZZZ…

咁又一年，咁又中秋‧‧‧ 今日係911，咁又過O左2年‧‧‧!!