030902 (星期二) 颱風

今日好難得上1030，不過都係目訓到最後一刻先捨得起身~

可能係由小學開始已經係搭巴士返學，所以而家行5分鐘到就去到課室… 行去過去個人都好似未醒咁! 所以有D唔係好慣添~加上悠長暑假O既後遺症---------遊雲。我真係好想好留心咁聽，無奈佢講O個D咁O既COURSE OUTLINE真係悶到顛‧‧‧繼而好眼目訓....z...Z...

仲有一個唔係太慣O既就係走來走去上堂，勁驚會去錯課室‧‧‧同埋勁驚會自己MISS左D堂冇上‧‧‧一落堂就各有各O既堂要上，人際關係薄弱。都係見到HALL-MATE開心D!

今日本來係我一星期最多堂上O既一日，要上到1830，點知個「雙風眼---------杜鵑」好似無聲無色咁正面突襲香港，上完堂英文就話下晝唔駛上堂LU~

1330呢個時間勁尷尬，又話一個鐘頭內掛8號，都唔知走唔走好.......明天又係返八半喎!? 同房又話唔走，關媽都叫
我唔走好過走。我返屋企佢仲擔心因為要行條危險公路，最終都係留返係HALL最安全。

等埋同房放學就過富泰入下貨，我O地就好似8號風球D師奶要掃貨咁‧‧‧成個百佳都係我O地D同學仔! 場面都
幾搞笑下^_^" 最衰係同樓好多人都走O左，冇工具玩唔到煮飯仔，所以都係叮叮算~~

夜晚同02'落大堂睇返HALL CAMP既相，超搞笑呀真係! 最搞笑係主角唔係自己，但就出現係D路人甲位低低BB唔知自己做梗乜O個D.......我同02'睇O左勁耐‧笑O左勁耐~ 記得要哂返D相先!

嘩! 出面真係好鬼大風大雨，九點幾仲掛埋好少出場O既9號風球添~ 不過D老人家話打風O既通常都係來得快‧去得快‧‧‧估唔到掛O左一陣9號，話咁快就跌返8號~ 都係早D目訓好D!

事實証明: 屋企掛住我 > 我掛住屋企