030818 (星期一) 陰天

今日要返一返學校睇hall result同見academic advisor。

約o左02’係轉車站等，今次試搭新路線由美孚再轉車。好明顯我o地一上到車就不斷傾計傾計，完全冇睇住個時間 ^_^” 今次呢條路線雖然只須要轉一次車，但係就貴d同耐d‧‧‧落o左車仲要行一大段直路先到，搞到我o地遲o左少少到。

今次係第二次返學校，感覺上心情冇上一次咁沉重。我記得o架「要開心咁入去讀」，o黎梗三年o既目標係1st hons畢業。一開學點都要有d氣勢先，不過係點都好我都會努力去實踐! 唔好想太多，讀o左一年先算!

返到學校都仲早早地，竟然冇人協助我o地。死~~~~~~~~~~~~唔識路添 v_v 唯有去睇睇地圖(肉酸)，又唔知係邊度睇hall result喎! 好緊張o架嘛，好擔心住邊度+ 同房係d乜o野人。

去完見advisor之後又係度遊蕩，行來行去都見唔到有人群出現又冇人主動o黎協助我o地。就係咁就遊下遊下，還掂都未行熟間學校。遊遊下就見到彤彤(救星到!)，就係咁彤彤帶左我o地去ssc睇。不過自己都未走埋去睇已經有d hall人問我o地喇!

有d不幸係北宿，幸好同02’係同一座。而更開心o既係-----------我o地竟然係同房呀!!!! 今日最開心係呢一件事~ 實在太好了，之前o既憂慮全部消失哂。可以同返熟人一齊宿，感覺真係唔同o架!

搞完一大輪我o地就出o左市中心食o野，食完o野我就返屋企而02’就出荃灣。面對住長長的車程，係巴士上真係難敵睡魔纏身‧‧‧仲攪到我轉唔到車坐到去沙田總站再搭返小巴返屋企。呢個動作十分無聊~~~~~~~~~

返到屋企小休一陣就要去游夜水，不過同pangaea有少少美麗o既誤會(其實我等梗你之際真係想發脾四走人!)。勁耐都冇去過顯田游水，但係依然覺得呢度係唔好游o既! 好多不良少年做埋d低能行為，要游一個橫池都困難重重‧‧‧同埋d水唔係好得喎~鹹o既!?

Pangaea好努力咁教我自由式，但係都---------唔得o既!? 好明顯我d手腳唔係好協調 ^_^”