030809 (星期六) 熱

今日又係一朝早又要起身，皆因要陪張小姐去CITY REG!

去一去拎OFFER LETTER同埋被迫入O左去個類似「宣傳區」O既地方，沿途不時比人截住叫你JOIN 乜學會….乜學會! 仲要兜O左幾個圈先可以返出去! 係CS個邊見到湯家信，勁耐冇見過佢~ 佢唔叫我O地我都唔知呀~ 之後行行下見到「划艇學會」又見到鄭佬! 好明顯佢都好呆咁企係度 ^_^” 同佢企係度傾O左幾句就走喇~ 企多陣都不得了!

去完就去食LUNCH，雖然只不過係十一點。我O地剛剛好可以食麥麥，麥麥又無聲無色咁加O左價喇~ 過份! 由二十蚊有找而家要二十有多!嘩~ 一早就食麥麥好得滯添。

食完就行又一城，都唔知點解我O地行O左勁耐。又一城人流唔係太多，慢慢行好舒服!行到三點幾同翠碧落SHUM SHUI PO，因為佢要幫佢弟弟買PC GAME。唔知點解次次去親SHUM SHUI PO都有D唔開心咁 >_<

入到去黃金‧‧‧O下‧‧‧好多人、好多男人!始終都係覺得呢D係男人地方‧‧‧所以拿拿臨買完就走人。之後去O左西九龍中心行啦~ 行O左一陣我又話支力要坐低飲O野!去O左RBT飲~~~~~~~~~估唔到間咁細O既RBT都有鞦韆木台坐呀! 上一次去上海都冇機會坐，估唔到竟然可以係香港坐到^_^”

張木台就真係好睇唔好坐，個張翠碧坐係我對面不斷搖搖搖‧‧‧搞到我鬼死咁暈 +__+ 不過個環境就真係好好~ 飲完O野再行一陣就回家喇!

今晚都係得我自己一個係屋企，本來都想搵人同我食飯O既，但係最終都冇咁做。關爸關媽返O左五星級的家、關哥又出O左去蒲雖然佢叫我一齊出去唱歌仔，但係我又好支力所以都冇出去。

就咁成晚就係得我一個人，關哥幾時返O黎我都唔知喇!

今日收獲: 買O左一支曬後護理、SWEATER、靚靚拖鞋加上好多無聊O野!

唔開心就勁洗錢，都唔知咩道理O黎O架!