030803 (星期天) 都係好熱

翠碧打O黎問我睇唔睇NEMO~ 當然是好的好的‧有人陪我睇喎^_^”

同埋翠碧o既一位朋友女一齊睇，佢同佢位朋友女食o野先而我就臨開場先到達。好明顯佢個朋友女都幾怕醜唔多講出聲!搞到我好似一出到去就霸住o左翠碧小姐咁=_+

套戲相當好看呀，配音配得好鬼搞笑!全院滿座仲有好多小朋友一家大小o黎睇 ……小朋友真係小朋友，有一幕講馬倫同mo仔分開，後面o個位小妹妹不斷係度勁喊勁喊‧喊到馬倫同mo仔好似真係會呢一世都分開咁。小朋友真幸福，唔開心就喊‧開心就笑。我都想係一個小朋友!

短短個幾小時完全感覺到係大海o既自由自在同時又十分危險!

睇完戲翠碧o既朋友女就走o左喇! 咁我o地就去行下行下，又係行旺角…… 今個星期我第三次出o黎喇! 不過都無所謂啦就當陪下張小組! 本來諗住買張咭等我o地聯誼(寫埋)先一齊寄個禮物比陳雅雲，點知比張小姐不斷埋怨我咁耐都未去寄 x_______x 鳴~ 我會盡快去寄o架喇!

行o左一陣再食o下o野都五點幾喇~ 各自回家!!

好快Jupas就放榜喇~~~~~~~~~~~~~~~~~~~~心情唔多唔少都有d緊…緊..緊張o既!

同時間我又好希望我o地o既自組台灣行可以成團，咁呢個暑假就接近完美了 ^_^”