030802 (星期六) 悶熱

話買DC都話O左好耐… 今日終於同老哥出去買O左喇!

唉呀~ 老哥一副「我很想唱K」的樣子，所以就同佢去唱啦! 本來諗住打比TIFF表妹叫埋佢出O黎一齊唱，但係打唔通繼而飛O左去留言…… =_=” 老哥用我個電話留O左言比小表妹‧之後小表妹打返電話比我‧哈哈‧佢話勁驚訝點解有把男人聲自稱係「我表姐」，咁你而家知道點解我O地搵你啦! 不過今日我O地O既有緣指數: 極低

今次都係我第一次同老哥去唱歌仔O乍! 因而發覺老哥真係好須要一部MP3，唔怪得之佢咁有決心買啦。唱到最後半個鐘老哥有個朋友仔出O左O黎一齊去買相機，因為佢朋友仔識呢家O野多D! 好搞笑~~~

老哥:「一陣我有個朋友出O黎，你唔駛驚｜佢係基O既。」
我:「 =_____________=’’」
不過係電腦中心真係眼見佢不斷問D男SALES拎咭片!? 不過佢個朋友仔唱歌仔就……雖然係唱日文但係都FEEL到佢: 甩哂音。

搞掂哂佢O地兩條友好快就賴低我衝入CYBER喇!咁唯有自己四圍行一行等小正出O黎同我食飯，仲竟然比我係新天地見到ANKI，相當有緣。等CARRIE放假要一齊出O黎玩!

旺角人多多我都唔係好想再行，好明顯我都係揀D有冷氣O既地方行。小正個賤~~~~~~~~~~~~~~~~人!遲到再遲到~~ 搞到我等O左好耐好耐，等到我自己都唔知等O左幾耐小正終於O黎到!

「等」‧‧‧發覺自己有耐性等但唔鐘意企定定等。幸好身邊O既朋友仔都唔係遲到甩底大王，暫時未甩過人及被放飛機! 咁我又唔會因為遲到而嬲一個人O既同埋我又唔會等等下唔等走人。

最後決定O左食日本O野但係FULL哂咁即係又要等下一場十點半‧‧‧ 一生人都唔知有幾多時間係「等待中」。
去O左附近麥麥坐低等同埋食O左少少O野‧但係傾O左好多O野!食完都成十二點幾，兩個懶人唔想行返去火車站決定等巴士~ 好支力呀!

等巴士無無聊聊係度玩估歌仔‧嘩!讚下自己先: 好勁呀我! 但係都幾不幸要搭熱九仲要冇位坐~~~~~~~~~~~~~~~~行到返屋企都成點鐘喇!

P.S 同小正傾計= 考記性，突然間講番小時侯o既事情個腦要即刻轉返去十幾年前~ 幸好我的記性不錯!