030706 (星期日) 熱呀熱

九點鐘就起身login入jupas改choice喇!

我已經重新開啟過部腦同close哂老哥d野以防改改下死機~ 本來都有d緊張架~ 不過都係郁d數字o者!所以triple check過後就搞掂喇!搞掂哂=安樂哂‧而都係等6/8令一個大日子o既來臨!

返十一點呀……目訓得六個鐘~ 勁眼目訓! 都唔知點解成日編完之前個日返夜第二日就即刻返早o既! 而家就有兩個人企遮‧有我企女裝遮同阿盈企男裝遮。

妖~~~ 一朝早比人點來點去… 首先floor supervise話senior個邊唔夠人叫我企一企過去‧去到senior個邊企左一陣‧senior又叫我過返去喇喎! 唉…… 之後M5又話我點解我過返o黎又要我返返senior個邊! 頂!即係點呀~~~~~~ 經過一論調動後我梗係企返遮啦~ 但係就男裝唔夠人所以阿盈要走‧變o左得我一個……oh my god啦! 佢o地男裝倉係家品o個邊‧即係要由大門口行到最入最入‧真係行死人! M5話拎多D直遮出O黎唔駛行來行去喎! 但係就十個客十個都要求要新O既呢……

而家變O左我撈過界要幫埋男裝‧咁又唔見出兩份糧比我! 加上我又一D都唔熟悉男裝遮‧有時真係做到好谷氣‧因為D客人完全唔會理會你屬於邊個DEPT‧又不斷係度指三指四!

我一點半食LUNCH‧阿ELAINE過O左O黎幫我睇睇。之後因為太多人所以就同ELAINE一齊企啦! 唉… D人真係好恐怖~ 企係佢O地隔離O既危險指數極高!

夜晚返到屋企真係超級累…… 換完衫坐係沙發即時進入睡眠狀態 ……