030701 (星期二) 小熱

一朝早準時出沙田學琴‧仲諗住早d去到可以練下琴‧點知就有人~ 好明顯冇乜時間練琴搞到彈得唔係太好 -_____- 學完之後同老師去tomlee買琴書‧好低喎~ 因為新搬遷所以買琴書有八五折‧低好多o架! 好彩之前冇好衝動咁係柏斯買o者~ 唔係就蝕喇!

學完琴出o黎睇到有成3個未接來電~ 哦 …返到公司換衫見到anki(我冇可能同佢同一時間返工o架喎)原來係安排上出錯…… 好明顯係行政上出錯唔關我o地事! 嘩!今日多人到顛呀~ d人唔係去遊行o架咩~ 爭d局到我暈低‧好彩仲有支白花油頂住o車‧聞一聞‧醒晨過人!

今日Lawrence同曄曄o黎探班!起碼有二個月都冇見過Lawrence喇~ 但係又唔覺冇見好耐喎~哈哈! 佢o地一點幾o黎過‧都係扮下客人嬉戲下~ 不過LAWRENCE就買O左把遮‧之後七點幾(Lawrence又買O左把遮) 佢O地又返O黎叫我一齊食飯O黎個小學同學聚會。當然是好的好的~

八點準時收工去食PIZZA HUT‧一路食一邊傾返小學同學O既O野‧小學同學D名我又真係記得幾多下架! 全晚笑到抽筋位就係「潘愷便便記」‧我O地仲低能到打比梁正協助重組案情~~~ 哈哈! 呢D O野真係可以笑足一世~~~~~~ 得閒要問下林珮珮拎返D佢O既近照先!

食O左勁耐‧然後搭火車返大圍又去食糖水。我O地去O左「松記」‧呢個名聽就聽得多喇~ 不過我就係第一次食O乍! 果然係有D水準喎~ 我O個碗仲要好鬼靚添 ^_^” 真係好飽呀~~~~~

今次小聚主要都係小學重溫同埋講下放榜前心情! 我就真係異常般平靜…… 仲要諗下放前反乜及放後反乜好! 咁又唔係話唔擔心O既~ 只不過係唔想想得太多O者! 有O左成續先諗啦~

平靜 =有信心=考得好 …… I HOPE SO~

今日五十萬香港人上街遊行反對廿三條立法，唔知係咁O既情況下政府、香港遲D會變成點 ……