030629 (星期日) 悶熱

好開心今日返3-10呀! 終於都可以目訓晏D! 不過我都係十點幾已經起O左身~

十一點半M5打O黎叫我返兩點得唔得喎~ 唔得都要得啦! 佢打O黎O個陣係媽媽聽電話~ 連媽媽都覺得佢係一個衰人‧講O野勁冇禮貌‧成日話人冇禮貌自己先最冇修養呀!

總理溫家寶來港三天簽署「內地與香港更緊密關係條約」‧好似歷史書中O既條約咁‧水蛇春咁長‧好多官員都好緊張咁迎接‧新聞仲做不停咁做直播。 落機時真的很娘的樣子‧送花O個位女子仲著埋粉紅色套裝‧同佢手上拎住O個紮花係一樣顏色O架~~~~~~~~~~~~~~~~~~笑死我!

而家變O左陣之後脫離O左SENIOR 既魔掌‧終於都唔駛比佢左點右點同比佢目及哂‧而家呢個位簡直係游位! 係就係有時M1會經常行過~~ 不過我都係做返我要做O既O野O者~

今日超級多人搞到我隻手傷亡慘重~ 兩隻手都分別流血。 但係D人仍然係顛O左咁開哂D遮出O黎~ 無奈! 我都係盡本份盡量執返好 …… 今日收夜但係又唔覺得太支力喎~

黑嘛嘛返屋企… 我又貪快冒住生命危險行「危險的路」回家 ^_^