030619 (星期四) 熱

難得有假期但係我都唔想出街反呀! 勁累‧勁累‧邊度都唔想去。就係咁成日都留係屋企食同目訓，仲有我o既至愛-----電視!呀~~ 在家千日好!說得十分對‧

本來都諗住趁得閒去剪頭髮o既~ 但係係屋企整整下都過o左半日喇! 依然唔願「旭」。晏晝係部腦度做做下o野好支子就係老哥張床度目訓著o左喇~ 越目訓越熱‧就出廳繼續目訓……

目訓目訓下有電話搵我‧初時完全意識唔到係度個o黎‧電話中傳來一陣又一陣o既奸笑聲-_-"

電話人:「你目訓梗覺呀!(‧不斷奸笑梗‧)」
我:「好明顯啦!」
電話人:「噫!你今日唔駛返工咩?」
我:「今日放假。」
之後都唔記得講o左d乜喇!

答o左咁多o野其實我仲未知道佢係邊個o黎~ 電話人又叫我估下。最討厭就係係呢個時候估‧估‧估… 估乜鬼喎!唔發老脾都算比面喇~ 所以就開始亂講d名… 哈哈! 下次打o黎明知我目訓梗唔好叫我估你係邊個! 同埋剛剛目訓醒講過o既o野唔算數o架!! 哈~

講講下之際聽到「o岩o岩放工」‧再望一望個鐘‧我先意識到佢係翠碧張。係呀係呀~ 本來口頭講o左今個星期去游水o架! 但係好明顯都係泡湯啦! 星期六日喎~ 一定要返工啦! 嗚嗚嗚~ 好慘呀!又冇得玩 …所以都係好唔願意咁甩o左低!

睇o黎我o既返工時間+ 佢o既返工時間 = 唔駛玩

今日我拎O左小表弟本閱書報告出O黎睇~ 笑死我喇! 佢勁寫錯D字~ 最搞笑O既係…
仙履奇綠(緣) & 種子發穿(芽)了! 笑到我碌地~~~~~~~~~~~~~~