030616 (星期一) 陰天+下雨

老哥去大海反完今日放假。一朝早就同媽媽打開兩大袋手信係咁睇!嘩! 好多O野食呀! 有牛肉乾、鳳凰卷、紫菜肉鬆鳳凰卷、花生糖、炭燒杏仁餅、芝麻餅、彊糖… 買手信仲貴過D船票呀! D炭燒杏仁餅真係好食到震呀!而紫菜肉鬆鳳凰卷都係最愛~ 好味好味! 「鉅記」果然係老字號!

佢話第一日就過O左去「乙水仔」‧上一次去已經係起碼十年前小朋友時代! 但老哥話佢竟然仲記得當時入過去食飯O既「熊貓餐廳」。不過佢就冇入去食到!

哥:「O個度有熊貓餐廳、大象餐廳、螞蟻餐廳，最後我O地去O左老虎餐廳度食O野!」
我:「點解全部都係動物名O黎O既… 」
哥:「 ……… 」
我:「不過香港都有紅螞蟻啦!」

哎!搞到我都想快D去澳門呀!

係屋企反O左陣就出門口返工喇!本來諗住等細雨D先起行‧點知等極都係咁大雨 …有D無奈但係都要行O架!返到去有D重臨舊地O既感覺! 但係好黑仔地一開工無幾耐就比人鬧~~ D做大O既都係鐘意點人做O野! 經理行過…

經:「你摺好D睡衣佢先。」
我:「係!好呀!」
我剛剛摺好兩件O乍‧佢又經過 …

經:「唔好摺住喇 …招呼客人先!」
我:「哦!」

我只不過係「哦」得細聲O左少少O者‧好明顯企係我隔離O既收銀姐姐都聽到我有答佢O野O架!
之後少D客人即刻叫我入倉勁插我!

經:「喂! 你頭先究竟聽唔聽到我講O野O架!」
我:「有。」
經:「我同你講O野你冇聲冇氣咁答我(心諗: 我冇你咁好火氣)。」
一句到尾都係想話我唔尊重佢…

插‧插‧插… 好明顯係業績唔好搵人出氣! 佢講O左好多佢自己O既理論O羅…
我O米唯有得個「哦‧知‧係‧明白」 真係不幸 … 不過如果唔係比人插我都唔知公司會用我O地呢班TEMP用到九月‧即係成個SUMMER PROMOTION。

比人插完(都幾耐下)出返去做O野!PINKY問我做乜事‧佢係好人一個先會講比佢知!SENIOR問我就話「冇O野呀~ 頭先唔舒服休息O左一陣」人心險惡嘛! PINKY話係咁O架喇~ 呢度有邊個未比佢鬧過O丫~ 佢仲叫我睇開D添!下次O米醒目D O羅!

算了吧! 又唔係我做錯O野‧只不過係佢想搵人鬧O者!