030605 (星期四) 真的很悶熱

本來琴日就last o架喇~ 點知公司extent我到9號‧所以今日可以day-off …琴晚上網咁O岩見到yuyung! 其實一直都想約佢出o黎反反‧但係都係自己懶懶懶o既關係‧因為我真係不太喜歡打電話約人(即使係好掛住) hehe…呢個係我o既缺點‧我會改改!

高高慶慶就相約o左yuyung去唱K + 行街街

約O左係大圍火車站頭卡等，係屋企搞下搞下都遲O左少少出門口。明明行梗O既時候都記得係天橋要轉左，因為會近D。點知行行下又行錯路，因為平時返工係去新世紀‧所以習慣o地轉右! 真差勁~~ 又要行返去第一卡!

yuyumg咁準時梗係到o左啦! 哈哈~ 好耐無見喇‧都有成二年喇‧心情有d緊張呀! 雖然你都冇乜點變‧仍然係我o既好朋友 ^_^" 我都冇乜點變O者~ 除O左係比以前瘦O左少少O者! (記住係少少o乍)

我O地去綠色盒子唱O左個K lunch~ 好抵呀! 三十蚊五粒鐘‧唱到聲沙呀!弊喇!弊喇! 我o既大食症又返o黎喇! 食完成個飯竟然仲未飽 …嗚嗚嗚… 咁食落去冇人要o架喇‧哈哈!

噫! 真係發覺自己好鬼屎呀… d新歌唔識唱呀… 大部份都係識唱chorus o乍: 我要努力d惡補一下先得! 下次要再戰yuyung! 真係冇唱歌仔好耐喇… 初時都好正經咁唱o既~ 但係唱唱下我又發顛喇‧he~

亦有一項新發現o既就係我竟然有「職業病」‧我竟然企係度等廁所之際‧好自然咁將雙手放係後面~~

唱完都五點喇 !食過七仔o既芝麻味軟雪糕~ 好味呀‧有好濃o既芝麻味! 就要去買黑色鞋。因為公司過o左呢個crazy sale之後又變返如常，要著黑褲黑鞋‧而上身就由公司提供!

本來諗住買d cheap雞普通黑色凡布鞋就算‧因為都係著多4日o者，點知d假o野都要成$100‧咁不如買對converse‧唔返工都可以出街街著嘛! 左睇睇‧右睇睇‧我又嫌對全黑converse過份o地黑‧最終揀o左對黑色有橙色邊o既 ‧$199 o乍‧都ok啦! 我諗唔會唔得掛~

最後去o左旺中行o左一陣‧真係一陣o乍‧因為好鬼多人‧多人到唔想行! 係旺中”鉗”o左糖! 死啦~ 發覺自己對軟糖開始中毒喇‧勁鐘意食軟糖‧好好味! 鉗鉗下之際我又發顛係度講d account o野!

我: 「噫! 老闆用o左last in first out呀!」

因為有一隻同款o既糖但係底o個個係舊o既好食d o架! 新o既味度淡d o既! 所以我好努力先撥開D新O既鉗底O個D… 哈哈! 放心放心… 冇人發現我~

基本上係咁o既悄況之下唔洗理我~

行完旺中又慢慢步行至火車站歸家去! 呀… 其實有好多o野想同yuyung講o架‧ 但係又掛住唱歌仔‧下一次要搵間café 坐勁耐先得! 今次見面知道左d野‧唔怪得之之前提起過某人‧你有咁o既反應啦! 現在明白了!