030531 (星期六) 熱熱

唉! 呢兩日因為係假期，所以要返8粒鐘呀! 勁辛苦~ 之前ANKI 話開工要食話梅，因為企得耐會企到想嘔。 平時返6個鐘又冇咁O既情況出現。今日返8粒鐘終於感受到喇! 阿欣同ANKI都係返7粒鐘O乍~ 點解我要返多佢O地一粒鐘喎!超辛苦O既一日。。。

星期六人多多‧不斷有客咁叫: 「小姐，比O個新O既我。」
我:「係係! 麻煩你等一等。」
我都未睇清楚個客人係乜樣就要九秒九衝入倉拎貨，結果係拎完出o黎唔知比邊個。唯有大叫:「邊位要新o架!」
勁鬼多人‧明顯地冇乜冷氣‧又要帶住口罩‧真係焗鬼死!
做到臨收工o個兩個鐘視覺 &聽覺開始冇乜喇….所以我又做錯o野! 個senior叫我拎兩件泳衣‧一件L‧一件XL… 但係我就拎O左 XL及XXL …

超辛苦呀… 第一次做到想嘔… 之前已經慣O左做六粒鐘。今日返咁耐條腰又冇O左喇! 夜晚老媽叫我去小表弟度食飯‧不去了‧不去了‧都係想盡早返家休息。返到屋企坐坐下就已經目訓著O左LU zz ZZ….