030518 (星期天) 都不知天氣是如何

很累呀! 玩O左成個星期‧日日出街是一件很辛苦的事情。所以今日要好好留係屋企休息一下。

一朝早就有人打O黎‧嘈醒O左我! 哦! 原來是小BB的爸爸。就是他不幸地患上SARS ‧而家小BB媽已經康復出院‧而小BB爸之前住O左成兩星期深切治療部‧經過鬼門關… 而家終於都有D起色! 開始食中藥‧個肺慢慢清返!

小BB爸係深切治療部其間‧真是很無奈‧我亦感受到生命O既脆弱! 因為試O左兩隻藥都冇反應… 當時的情況真係好危險。為O左激發起佢O既意志力‧我O地影O左佢個仔‧即係小BB O既相 &用好原始O既錄音機錄O左小BB把聲‧然後速遞比佢‧最老討O既係佢屋企人打上去RTHK 透過空氣去支持佢!

之前佢都有打過電話O黎問下佢O個仔近來點! 媽媽話小BB爸成把聲變哂‧完全唔似佢平時把聲。而今日佢個人明顯好返好多‧有返把聲!

希望佢可以快D好返啦!!