考完呢個會計學原埋實在極度疲累
夜晚懷著十萬噸期待睇十萬噸情緣
又可以見到張家輝～
果然係十萬噸吸引呀Ｏ下！
好睇好睇！

只不過係十一點幾．．
已經呼呼入睡‧捱唔到睇”天地豪情”
第二朝０８３０就醒Ｏ左
因為已經習慣Ｏ左早起
唔駛鬧鐘都會自動起身（勁健康）

一起身‧周身骨痛‧仲有Ｄ外感發熱
好似每考完一科都係咁．．．
個ＳＨＯＵＬＤＥＲ
好似擔Ｏ左成日泥‧比人毒打完咁
痛到顛．．．成身散哂！
除Ｏ左夜晚出街食飯‧都冇出過去ＬＵ

其實考試期間都有間歇性發燒
可能係嘆得太多冷氣喇～
頭幾次都有去睇醫生Ｏ既～ＳＡＲＳ嘛

醫生永遠都會問：有冇咳呀？
有冇發冷呀？等我同你聽下個肺先．．
未有ＳＡＲＳ之前Ｄ醫生聽肺係勁求其
而家就勁鬼仔細咁聽
係咁不斷呼氣‧吸氣‧呼氣‧．．
當然啦～醫生先生永遠都係話我
血壓偏低但係正常
永遠都叫我做多Ｄ運動＆充足睡眠
最終Ｏ米又係開Ｄ普通藥比我！

不過睇過咁多次醫生
呢段時間係我最最最定時食藥
仲係自動自覺去食
唔食西藥都難逃要飲苦茶‧苦！

梗係要乖乖啦！
大佬‧你唔比我入去考我真係喊比你睇
不過講真．．．
填個張申報表都係形同虛設
有幾多人真係會出門口前量體溫Ｏ丫！

睇Ｏ下報紙‧睇下電視‧無聊一下
咁又一日喇～　
好舒服‧好舒服‧ＨＥ
不過ＬＯＮＧ－ＴＥＲＭ黎睇
我將會覺得呢Ｄ生活係頹廢Ｏ架！