14‧2‧03
今日係情人節!
相對於心如止水o既我
真係一d感覺都冇!

本來今日係要返學o既~
不過‧我又懶懶o地...
堂英文堂又廢廢o地...
加上自從星期日o個晚冇訓後
就有d惡性循環o既感覺
成日都覺得唔夠訓咁~ 好惡頂!

account 堂就一定會返o既!
但係個鬧鐘可能係冇電...
足足delay o左一粒鐘~
起身o個陣已經十點九喇...
都返唔切啦~ 內疚!!!!

學又返唔成~
所以成日就留o左係屋企溫書
可能係冇出街o既關係
所以都感受唔到d節日氣氛
直到夜晚十一點幾彭嘉妤打o黎
佢第一句就同我講~
"情人節快樂" 哈哈~ 好好笑 ^_^"
佢又提返起"今日係情人節"!

同佢傾傾o下‧竟然有電話入喎!
o個時已經幾夜...仲要冇顯示!!
哈哈!原來係個IDD CALL
真係估唔到O番~
不過‧又係呢種感覺~
好遠....但又係好近...
雖然我真係聽得唔係好清楚!

呢兩個電話係情日節中....
加添o左點點氣氛~
仲橫跨o左西方情人節同中國元宵節呀@