上一次魔鬼夜訪已經係好耐o既事
琴晚唔知做乜鬼o野
佢又o黎喇搵我!

今次仲係超~~~~驚!
究竟我係發夢定係乜o野事呢??
我自己都好想知‧

我淨係知道當我一個人係張床度
其實已經係極"支力"....
係訓著同未訓著之間
突然間會覺得好驚，
係由心裡面驚出o黎個隻
之後慢慢感覺到d手手腳腳好似....
有一種阻力~
即係唔可以好自然咁"旭"
我會不斷爭札...
因為我知道只要擺脫o左呢d阻力
就會冇事!

今次勁驚係驚在...好真實!好真實!
我爭札完一次，以為冇事
因為次次當我札醒
我都會聽收音機
感覺上有d聲係耳邊...會有d安全感!
我知道自己係度搵梗部收音機
本來都冇理到...繼續訓
之後先發覺點解左邊同右邊...
兩邊播d唔同o既o野o既??

先發覺係仲未完o架...
咁就仲驚~~繼續爭札!!
我係自己張床度大叫
‧‧‧冇人聽得到!
跟住就唔知做乜咁...就醒o左喇!
今次係真醒~ 望o下個鐘
三點幾...唉~

唔好再夜訪我啦，我真係好眼訓~
比我訓覺啦 ~~唔該!