2006.02.02 【星期四】 晴

估唔到狗仔年只不過過左幾日..
我就要VISIT醫院既急症 = =

話說今朝早上既8:30 ..
去完厠所既我返房..
發覺既右下腹有D痛..
昨夜睡得不太好的我..
訓緊時其實都感覺有少少痛
但我冇理會到 = =

但係返房諗住再上床訓之際
我發覺我連訓低都痛
之後又訓左一陣..好似越黎越痛
所以起左身，飲左D熱水

但係就越來越痛 = =
所以就同正在訓緊既關爸關媽講
我拍門話"我好痛呀...痛到成個人都企唔直 = ="
關爸關媽"哦"左一聲..
佢地既反應係繼續訓覺羅........頂

直至到話我要去睇醫生..
先至起身...唉 = =
坐的士去仁安醫院..
痛到行得勁慢，架車又勁"凳" = =

去到見醫生..佢又要"按"我個肚..
痛到顛呀..佢每次按落黎我都米埋眼
心諗，你按完未呀。

個醫生又好明顯廢UP..
"你呢個位，可能係盲腸、又可能係子宮或者卵巢"
我心諗，我都知啦..
"你而家又有可能係腸抽筋，而家比D藥你食下..
你睇下食完藥之後有冇舒緩到，如果冇既今晚要再上多黎一次"

咁我問醫生點解無啦啦會腸抽筋，我之前都未試過既
佢話:
可能係休息唔夠 (下，我訓好多覺)
可能係食物敏感 (下，我冇架喎)
可能係食左D你唔係經常食既野 (下，我琴日食左和民同仙宗林乍喎)

我既反應只可以係"哦"