04.05.08 【星期六】 晴

美好O既星期六要考試 = =

考9:30，八點幾就起O左身諗住再睇一睇..
點知刷牙之際波波話「黑色暴雨警告」上晝考試應該CANCEL，叫我問清楚。
最後，都係CANCEL左要補考返。

我又唔覺憤怒，因為我唔介意遲D先考..
(因為如果再溫熟D成績會好D，我唔介意溫多一次)

下晝個科考2:30，所以又上床再訓多一陣先..

2.5小時O既INTRO TO B，猶如AL考GEOG ESSAY，今次仲HARSH...2.5HR要寫四題，每題大約3版紙。都OK辛苦，勁寫勁寫...寫到手都痺呀..

考完都覺得冇乜O野..因為呢D又係冇標準答案可言O既科目

************************************************************************

考完出O左荃灣同爸爸媽媽哥哥同小表妹一齊食飯，PRE-廢祝母親節^^
冇計，鬼叫我星期一要考試，仲要考2科咩..

四周圍都勁多人..
都唔知點解住O左荃灣都OK多年O既小表妹會「唔知」荃灣有D乜O野好食O架O羅..
我又唔知點解咁大個荃灣都竟然係冇韓國燒烤食O架O羅..

關老哥又話要食SPAGEHTTI，關爸關媽都唔鐘意食呢D架啦..
食和民又要勁等位..

最終食O左泰國菜「蔗葉咖哩屋」..好好食..

好感動，個菠蘿炒飯係「原個菠蘿」上O架~
成餐飯比椰子椰皇唦O嗲咖哩葡汁纏繞住..

小表妹你想得太多喇 = ="

食完我就返返HALL繼續博鬥...

再過多24小時..我就可以永生喇~