040206 (星期五) 極凍

天氣又凍返，屯門得7度，真係好鬼討厭呢d凍死人o既天氣!

係咁凍o既天氣下，我o地琴日終於都係hall打o左第一次邊爐-----勁開心。下午雲雲同春春就去o左買o野，所以我同同房就要負責洗o野o羅!勁凍呀d水...洗菜真係洗到人都顛! 哈哈!不過由最初o既「驚唔夠食」，最終都係食剩o左好~多~o野!

次次唔係食飯o既時候，我同同房就可以食得好多，但雲雲每次都係食少少就飽o羅! 食飯佢又食勁多o架喎...我唔要叫做食塞米~

今朝起身個人都係十下十下添，可能係琴晚食o左d感冒藥先目訓o既關係....我今朝起身刷牙o既時候竟然冇帶漱口杯出厠所o羅! 雲雲話我:「你都得o架喇!」冇法啦...我又唔想死返入房拎，再者我都冇時間喇..因為就快遲到lu~

好快咁又上o左3堂，230就走得喇~ 係hall hae左一陣執埋o野我就出荃灣剪頭髮，本來諗住去返上次電髮個度剪，但係竟然內部裝修‧所以去o左trust既荃灣版度剪。剪完都成五點-----返屋企lu。

就係我企係巴士站呆等o架48x之際，我意識到有個人o岩o岩落車 + 望o左我一眼‧咁我又好自然咁望一望佢-----原來佢係maths 阿sir喎!!! 佢都冇乜點變個樣，由於時間+距離o既關係(佢都好似好趕咁+ 我有車)，所以都冇叫佢呀~

之後搭46p 眼目訓到死o左，大朋友打o黎個陣已經去到自修室個個站喇!!!

哈哈~ 好支力o既一日。